Հայաստանում ճանապարհային անվտանգության հարցը մշտապես դիտարկվել է որպես կարևոր ուղղություն՝ ուղևորների և վարորդների պաշտպանվածությունը երաշխավորելու համար։ Հատկապես ձմռան ամիսներին, երբ եղանակային պայմանները փոխվում են, ճանապարհներին
հաճախակի գրանցվող վթարները ցույց են տալիս, որ երթևեկության կանոնների նոր խստացումները անհրաժեշտություն են։ Սրա արդյունքում, 2024 թվականի դեկտեմբերի 1-ից, իսկ արդեն հաջորդ տարվանից սկսված նոյեմբերի 15-ից, ձմեռային անվադողերով երթևեկելը պարտադիր պահանջ է դարձել։ Այս հոդվածում կքննարկենք այս օրենքի կարևորությունը, պահանջների մանրամասները և ինչպես նախապատրաստվել նոր կանոններին։
Ինչու՞ է պարտադիր ձմեռային անվադողերի օրենքը
Հայաստանի կլիմայական պայմանները ձմռան ամիսներին հաճախ առաջացնում են ճանապարհների սառցակալում և ձյունածածկում։ Սա էլ, իր հերթին, մեծացնում է ՃՏՊ-ների հավանականությունը, որոնց հիմնական պատճառներից մեկը չհամապատասխանող անվադողերն են։
Ճանապարհային երթևեկության նոր կանոնների համաձայն՝
1. Նոյեմբերի 15-ից մարտի 31-ը ներառյալ թեթև մարդատար ավտոմեքենաները և մինչև 3,5 տոննա բեռնատարները պետք է ունենան ձմեռային անվադողեր։
2. Սառույցի կամ ձյան պայմաններում նախշակարի մնացորդի բարձրությունը պետք է լինի առնվազն 4 միլիմետր։ 3. Ամռան ամիսներին բութակային հակասահքային անվադողերի «шипованные покрышки» օգտագործումը արգելվում է։
Ինչո՞վ են տարբերվում ձմեռային անվադողերը
Ձմեռային անվադողերը նախագծված են հատուկ ցածր ջերմաստիճանային պայմանների համար։ Դրանց նյութերը մնում են փափուկ և էլաստիկ անգամ - 7°C-ից ցածր ջերմաստիճաններում, ինչը թույլ է տալիս ավելի լավ կպչել ճանապարհին։ Նախշակարի խորությամբ և կառուցվածքով ձմեռային անվադողերը ապահովում են առավելագույն կայունություն ձյունածածկ և սառույցապատ ճանապարհների վրա։
Օրինակ՝ ամառային անվադողերով մեքենան սառցապատ ճանապարհին կարող է սահել, որի ընթացքում մեքենայի կառավարումը կդժվարանա, անգան կլինի անհնար, մինչդեռ ձմեռային անվադողերը նվազեցնում են սահելու ռիսկը և մեքենան ավելի կառավարելի է դառնում։
Ինչպե՞ս նախապատրաստվել նոր օրենքին
1. Ստուգեք Ձեր անվադողերը
Հնարավորինս շուտ ստուգեք Ձեր մեքենայի անվադողերի նախշակարի խորությունը։ Եթե դրանք չհամապատասխանեն օրենքին, փոխարինեք նոր ձմեռային անվադողերով։
2. Ընտրեք որակյալ արտադրանքներ
Ձմեռային անվադողեր գնելիս ընտրեք վստահելի բրենդներ։ Որակյալ անվադողերը ոչ միայն բարելավում են մեքենայի կառավարումը սառցակալած ճանապարհներին, այլև նպաստում են Ձեր և մյուս ճանապարհային երթևեկողների անվտանգությանը։
3. Հետևեք օրենքի պահանջներին
Սկսած նոյեմբերի 15-ից, պարտադիր օգտագործեք համապատասխան անվադողեր՝ խուսափելու համար տուգանքներից և ճանապարհային վթարներից։
Օրենքի խախտման հետևանքները
Օրենքի չկատարումը կարող է հանգեցնել ոչ միայն ֆինանսական տուգանքների, այլև վտանգել Ձեր և ուրիշների կյանքը։ Հատկապես ձյունածածկ ճանապարհներին ամառային անվադողերով երթևեկելը վտանգավոր է, քանի որ մեքենայի արգելակման համակարգը չի կարողանում արդյունավետ աշխատել։
Հաշվի առե՛ք, որ անգամ փոքրիկ վթարը կարժենա ավելին քան մեկ կոմպլեկտ ձմեռային անվադողերը:
Ինչու՞ ընտրել Kod.am-ը
Ձմռան նախապատրաստումը պահանջում է հատուկ ուշադրություն ինչպես մեքենայի, այնպես էլ Ձեր անվտանգության հանդեպ։ Kod.am-ը առաջարկում է այն ամենը, ինչ Ձեզ պետք է ձմռան ամիսներին ճանապարհին վստահ և ապահով լինելու համար։
- Լայն տեսականի
- Մատչելի գներ
- Արագ առաքում Հայաստանում
- Բոլոր տեսակի պահեստամասեր,
- հակասառեցման հեղուկներ,
- հովացման հեղուկներ "антифриз",
- մեքենայի մաքրող և պաշտպանող միջոցներ։
Պատրաստվեք ձմեռային սեզոնին արդեն այսօր՝ ընտրելով որակյալ արտադրանքներ, որոնք կդարձնեն Ձեր երթևեկությունը առավել անվտանգ և հարմարավետ։
Ավելի մանրամասն տեղեկության համար այցելեք Kod.am և բացահայտեք Ձեր մեքենայի համար լավագույն լուծումները։